"Bunyodkor" legioneri Pobulich: "Maqsadim – koʻplab golli uzatmalarim bilan gʻalabalarga hissa qoʻshish"

"Bunyodkor" klubining yangi a'zosi Dmitriy Pobulich Oʻzbekistondagi ilk intervyusini klub matbuot xizmatiga taqdim etdi. Quyida mazkur intervyuni matnli koʻrinishda oʻqib chiqishingiz mumkin.

- Jamoadagi ilk mashgʻulotingiz xususida nima deya olasiz?
- Jamoa yaxshi futbolchilardan iboratligi koʻrinib turibdi. Bu erda ekanligimdan xursandman. Mavsum start olishini intizorlik bilan kutyapman.

- Oʻzbekistonga kelgunga qadar Superliga hamda "Bunyodkor" haqida ma'lumotga egamidingiz?
- Ha, albatta. Oʻzbekistonda juda koʻp doʻstlarim "Soʻgʻdiyona" va "Navbahor" klublarida oʻynashgan. Ular "Bunyodkor" Oʻzbekistonning eng kuchli jamoalaridan biri ekanligini aytishdi. Bugun koʻrdimki, "qaldirgʻochlar"ga yaratib berilgan sharoit a'lo darajada. Klub eng yaxshi stadionga ega. Jamoa qarorgohida ham barcha sharoitlar yaratilgan.

- Yangi mavsum uchun oʻz oldingizga qanday maqsadlarni qoʻydingiz?
- Umid qilamanki, barchasi yaxshi boʻladi. Asosiysi, jamoaning koʻrsatadigan natijasi. Maqsadim – koʻplab golli uzatmalarim bilan gʻalabalarga hissa qoʻshish. Chunki maydondagi pozitsiyam – hujumkor yarim himoya.

- "Bunyodkor"dan tashqari yana qaysi jamoalardan takliflar boʻlgan edi?
- Ogʻzaki takliflar boʻldi, lekin faqat "Bunyodkor" aniq va jiddiy taklif bilan chiqdi. Oʻylaymanki, ijobiy natijalarga erishamiz.

Manba: "Bunyodkor" matbuot xizmati “Zamin” yangiliklarini “Telegram”da kuzatib boring