Foto: FIFA
Polsha terma jamoasi FIFA qaroriga ko‘ra 2022 yilgi Jahon Chempionati saralashi pley-offining finalida o‘ynaydi. Bu haqda FIFA rasmiy saytida xabar berildi.
Xalqaro futbol federatsiyasi tashkiliy qo‘mitasi Rossiya terma jamoasining xalqaro musobaqalardan chetlatilgani munosabati bilan Polsha terma jamoasining 2022 yil 29 martga belgilangan hal qiluvchi o‘yinga avtomatik ravishda yo‘llanma olishini ma’lum qildi. Jamoa unda Shvetsiya va Chexiya o‘rtasidagi bahs g‘olibi bilan to‘qnash keladi.
Tashkilot, shuningdek, Shotlandiya va Ukraina o‘rtasidagi mart oyida o‘tishi kerak bo‘lgan o‘yinning iyun oyiga ko‘chirilishi haqida xabar berdi.
Eslatib o‘tamiz, 28 fevral kuni FIFA va UYEFA Ukrainadagi vaziyat tufayli Rossiya terma jamoalari va Rossiya klublarini barcha xalqaro musobaqalarda ishtirok etishdan chetlatdi. Bungacha Polsha, Shvetsiya, Chexiya, Albaniya, Irlandiya, Shveysariya va Angliya terma jamoalari Rossiya bilan o‘ynashdan bosh tortganini e’lon qilgandi.
Yevropa mintaqasining JCH—2022 musobaqasi o‘tish bahslari yarim finallariga tashlangan qur’aga ko‘ra, Polsha va Rossiya o‘zaro raqib hisoblanardi. Yarim final bahslari 2022 yilning 24 martiga, finallar esa 29 martga belgilangandi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
OAV: Markaziy Osiyo davlatlari dronlar bilan qurollanmoqda
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Britaniyalik milliarder uylandi. 25 mln dollar sarflangan to‘y 4 kun davom etdi
Si Szinpin Falastindagi mojaroni hal qilish shartlarini aytdi
Xarkivga yana bomba zarbalari uyushtirildi
Tadqiqot: dunyoda antisemitizm to‘lqini kuzatilmoqda
