Superliganing 4-turidan o‘rin olgan "So‘g‘diyona" – "Olimpik" (1:1) o‘yinidan so‘ng mezbonlar bosh murabbiyi Ulug‘bek Baqoyev matbuot anjumanida ishtirok etdi.
- O‘yin haqida
- Qiziqarli o‘yin guvohiga aylandik. Birinchi taymda bir nechta qulay vaziyatlarga ega bo‘ldik, biroq ulardan samara chiqmadi. Gol urdik, ammo u ofsayd tufayli bekor qilindi. Ofsayd bormidi yoki yo‘q, hozircha aniq aytolmayman, ko‘rib chiqish lozim. Bir kishi kam bo‘lib qoldik va undan keyin gol o‘tkazib yubordik. Yakunda durang qayd etdik, yutib ketishimiz ham mumkin edi. Yigitlarga faollik uchun rahmat aytaman. Ko‘plab vaziyatlar bo‘yicha hakamlar chiqargan qarorlardan noroziman. Balki bu komissiya tomonidan ko‘rib chiqilar. Bugun 2 ochko yo‘qotdik.
- Hakamlar haqida nima deya olasiz? Ularga bir necha bor e’tiroz bildirdingiz...
- Bu futbolda uchraydigan holat. Birinchi Sardor Qulmatov bilan ro‘y bergan holat bo‘yicha e’tiroz bildirdim. Hakam unga sariq kartochka ko‘rsatdi. Menimcha, bu xato edi. Ikkinchi e’tirozim penalti bilan bog‘liq edi. Bahsli holatda nega VAR’ga murojaat qilinmadi, hayronman.
- Jasur Hasanov xususida nima deya olasiz?
- U haqiqiy professional. O‘ylashimcha, jamoamizdagi eng yaxshi jismoniy holatga ega futbolchilardan biri.
- "So‘g‘diyona" gol urishda qiyinchilikka uchramoqda. 4 turda atigi 4 gol urdi. Statistikaga murojaat qiladigan bo‘lsak, bugungi o‘yinda qariyb 80% zarba noaniq ko‘rinish oldi. Bunga qanday munosabat bildirasiz?
- Siz o‘yinni tomosha qildingizmi? Gol urdik, ko‘rdingizmi? Yana 4-5 ta vaziyatga ega bo‘ldik. Bu – futbol. Nimadir o‘xshaydi, nimadir o‘xshamaydi. Biz har doim gol urishni xohlaymiz, ammo har doim ham unday bo‘lavermaydi.
- "So‘g‘diyona" raqibdan kelib chiqib tayyorgarlik ko‘rganmidi yoki odatiy tarzda mashg‘ulot olib borganmidi?
- "Olimpik" – tartibli jamoa. O‘yini menga yoqadi. Ular yaxshi futbolchilar, murabbiylarga ega. Hammada o‘z uslubi bor. Albatta, "Olimpik"ning kuchli va ojiz taraflarini bilardik. Shunga yarasha tayyorgarlik olib borgandik. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Yaponlar qishda uylarini qanday isitadilar?
AQSH va Rossiya Isroil hamda “Hizbulloh” o‘rtasidagi kelishuvda vositachi bo‘ladi
Andijonda Tez tibbiy yordam markazi direktor o‘rinbosari o‘z ishiga tiklandi
Tramp AQSH bosh prokurori lavozimiga kongressmen Gets nomzodini ilgari surdi
