Aprel oyi kirib keldi. Bu oyda e’tiborimiz ko‘proq Superligadan ko‘ra xalqaro maydonlarga qaratiladi. Sababi "Paxtakor" va "Nasaf" Osiyo chempionlar ligasi guruh o‘yinlarini o‘tkazsa, O‘zbekiston futzal milliy terma jamoasi Osiyo chempionati saralash bosqichida ishtirok etadi.
Gapni OCHLdan boshlaydigan bo‘lsak, bu mavsum O‘zbekiston sharafini ushbu musobaqada ikkita klub himoya qiladi. Bilasiz, Osiyo chempionlar ligasining G‘arb mintaqasi barcha guruh o‘yinlari Saudiya Arabistonida tashkil etiladi.
"D" guruhidan joy olgan "Paxtakor" o‘z o‘yinlarini Burayda shahrida, "E" guruhi vakili "Nasaf" esa uchrashuvlarni Dammamda o‘tkazadi.
"Paxtakor" guruhidan Eronning "Sepaxon", Saudiya Arabistoni klubi "Al Taavon" hamda Qatarning "Al Duhayl" klublari o‘rin olgan. Albatta, diqqat-markazimizdagi bahs "Paxtakor"ning "Al Duhayl"ga qarshi ikkita o‘yini bo‘ladi.
"Paxtakor" o‘yinlari taqvimi:
7 aprel. "Paxtakor" - "Sepaxon"
10 aprel. "Al Taavon" - "Paxtakor"
14 aprel. "Al Duhayl" - "Paxtakor"
18 aprel. "Paxtakor" - "Al Duhayl"
22 aprel. "Sepaxon" - "Paxtakor"
26 aprel. "Paxtakor" - "Al Taavon"
"Nasaf" joy olgan guruh ham qiziq ko‘rinishda. Qarshiliklar o‘z o‘yinlarini Iordaniyaning "Al Vihdat", Saudiya Arabistoni klubi "Al Faysali" hamda Qatar yetakchisi "Al Sadd"ga qarshi o‘tkazishadi.
"Nasaf" o‘yinlari taqvimi:
8 aprel. "Al Sadd" - "Nasaf"
11 aprel. "Nasaf" - "Al Vihdat"
15 aprel. "Nasaf" - "Al Faysali"
19 aprel. "Al Faysali" - "Nasaf"
23 aprel. "Nasaf" - "Al Sadd"
27 aprel. "Al Vihdat" - "Nasaf"
E’tiborimiz futzalga ham qaratiladi
Shuningdek, bu oyda O‘zbekiston futzal milliy terma jamoamiz ham rasmiy o‘yinlarda ishtirok etadi. Bahodir Ahmedov shogirdlari Qirg‘iziston poytaxti Bishkekda bo‘lib o‘tadigan futzal bo‘yicha Osiyo chempionati saralash bosqichida qatnashib qaytishadi.
"B" guruhida kurash olib boradigan futzalchilarimizning o‘yinlar taqvimi quyidagicha ko‘rinish olgan.
10 aprel. O‘zbekiston - Nepal
11 aprel. Afg‘oniston - O‘zbekiston
12 aprel. O‘zbekiston - Tojikiston
P.S. Guruhdan ikkita terma jamoa Osiyo chempionati yo‘llanmasiga ega chiqadi. Futzal bo‘yicha Osiyo chempionati shu yilning 25 sentabr - 20 oktabr kunlari Quvaytda bo‘lib o‘tadi.
Shunday qilib bizni aprelda bir-biridan qiziq bahslar kutmoqda. Xalqaro maydonlarda Vatanimiz nomidan kurashga chiqadigan jamoalarga omad tilaymiz.
Muallif: Xayrulla Xoliqov
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Erdo‘g‘on Turkiya Isroil bilan aloqalarini uzganini ma’lum qildi
Shavkat Mirziyoyev amaliy tashrif bilan Boku shahriga bordi
O‘zbekistonlik MMAchilar jahon chempionatida birinchi o‘rinni egallashdi
Olimpiada g‘oliblarini tayyorlagan toshkentlik o‘qituvchi 1 milliard so‘m mukofot puli oldi
AQSH Registon maydoni arxitekturasini saqlab qolish uchun 500 ming dollar ajratdi
Turkiya klubi sobiq prezidenti hakamga hujum qilgani uchun qamoq jazosiga hukm qilindi
