Gennadiy Golovkin yaponiyalik raqibini muddatidan avval magʻlub etdi

Professional boksning oʻrta vazn toifasida (-72,5 kg) IBF chempionlik kamari sohibi Gennadiy Golovkin (42-1-1, 37 KO) 9 aprel kuni WBA chempioni yaponiyalik Riota Murata (16-2, 13 KO) bilan birlashtiruvchi jangda ringga koʻtarildi.

Jangda qozogʻistonlik bokschi ustunlikka ega boʻldi va 9-raundda texnik nokaut evaziga gʻalaba qozondi. Shu tariqa Golovkin WBA kamarini ham oʻziniki qildi.

Gennadiy bundan oldingi jangini 2020 yil Kamil Sheremetaga qarshi oʻtkazgan edi. Qozogʻistonlik bokschi raqibini muddatidan avval taslim etgandi.

Murata esa 2019 yilda kanadalik Stiven Butler ustidan gʻalaba qozongan. “Zamin” yangiliklarini “Telegram”da kuzatib boring