Superliganing 5-turidan o‘rin olgan "Navbahor" – "So‘g‘diyona" (1:2) uchrashuvidan so‘ng mehmonlar bosh murabbiyi Ulug‘bek Baqoyev fikrlarini bildirib o‘tdi.
"Navbahor"ning oldiga qo‘ygan maqsadi, tarkibdagi futbolchilarning nomlari barchaga ma’lum. Ular shunga yarasha har o‘yinda borlarini berishadi. Birinchi o‘rinda ikki jamoaga ham o‘yin uchun rahmat aytaman. O‘yin haqida gapiradigan bo‘lsam, gol urdik. Javob goli uzoq kuttirmadi. Ikkinchi bo‘limda mezbonlar ko‘proq hujum qilishi kutilgandi. Chunki uyda o‘ynamoqda. Rejamiz qarshi hujumda o‘ynash edi. Umuman olganda, ikki jamoada ham hech narsa o‘xshamadi. Balki durang bugungi o‘yin uchun adolatdan bo‘lardi. So‘nggi daqiqada futbolchimiz gol urib, g‘alaba keltirdi. "Navbahor"ga keyingi o‘yinlarda omad tilayman", – dedi Baqoyev.
- "So‘g‘diyona" yaqinda xalqaro maydonda ishtirok etadi. Jamoa natijaga asoslangan o‘yin tashkil qiladi. Bu haqida fikringiz qanday?
- Bugun maydonda kurash bo‘ldi. Murabbiyning vazifasi har bir o‘yinda natija ko‘rsatish. Jamoa natija uchun o‘ynaydi. Biz ikkinchi raqam ostida o‘ynadik. Chunki "Navbahor" kuchli jamoa. Top-futbolchilarga ega. Xalqaro maydonda Jizzax emas, butun O‘zbekiston nomidan qatnashamiz. Agarda "Navbahor" ham OCHL yoki OFK kubogiga chiqsa, biz ham muxlislik qilamiz. Bu yerda bitta jamoa emas, butun yurt sha’ni turibdi. O‘yin tugaydi. Do‘stona munosabatlar yo‘qolmasligi kerak. Futbolda natija bo‘lishi uchun borimizni beramiz.
- Oldimizga bosqichma-bosqich rivojlanishni maqsad qo‘yganmiz. Maksimal natija uchun harakat qilamiz. Mavsum yakunida samarasini ko‘ramiz. Agarda o‘yin durang bilan tugaganda bunga rozi bo‘lar edik. Chunki safarda o‘ynayapmiz. Mening shaxsiy fikrim shunday.
- Murabbiy sifatida "Navbahor"ning kuchsiz chiziqlari haqida nima deya olasiz?
- Teng va kurashlarga boy o‘yin bo‘ldi. Kuchsiz chiziqlar haqida gapirmayman. O‘z vaqtida "Navbahor"da o‘ynaganman, faoliyatimni Namanganda yakunlaganman. Shu bois yomon fikr bildirmagan bo‘lardim. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Har qanday katta yoshdagi kishi yetuk emas
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
NATO bosh kotibi Ukrainaning frontdagi ahvoli yomonlashganini tan oldi
Erdo‘g‘on Turkiya Isroil bilan aloqalarini uzganini ma’lum qildi
Blinken Isroildan uchta muammoni hal etishni talab qildi
Borrel YEIning Isroil bilan muloqotini to‘xtatishni taklif qildi
Ishchi-xodimlar manfaatlari himoya qilindi
