Samsung Galaxy Z Flip4 va Galaxy Z Fold4 smartfonlari taqdim etildi

^{Foto: Samsung}
Samsung kompaniyasi Galaxy Z Flip4 va Galaxy Z Fold4 buklama smartfonlarini taqdim etdi.

Har ikki smartfonning ekran romlari kichraygan va ogʻirligi kamaygan. Ekran Corning Gorilla Victus+ himoya oynasi bilan qoplangan. Smartfonlar namlikdan IPX8 standarti boʻyicha himoyalangan.

Galaxy Z Fold4 6,2 dyuymli tashqi va 7,6 dyuymli ichki displey bilan jihozlangan, displeylarning yangilanish chastotasi 120 Gts. Qurilma 12 Gb tezkor va 256/512 Gb/1 Tb doimiy xotira, 4400 mA•s akkumulyatorga ega.

^{Foto: Samsung}
Smartfon boshqa Samsung qurilmalarini quvvatlash xususiyatiga ega. U ikkita sim-karta bilan va eSIM bilan ishlaydi.

Uning old kamerasi 10 Mp, ichki displey 4 Mp kamera bilan jihozlangan. Asosiy modul 50 Mp, 12 Mp modullar, 10 Mp teleob'ektivga ega.

Z Flip4 1,9 dyuymli tashqi va 6,7 dyuymli asosiy ekran bilan jihozlangan. Unga ham Snapdragon 8+ Gen 1 protsessori oʻrnatilgan, faqat tezkor xotirasi 8 Gb va doimiy xotirasi 128, 256 yoki 512 Gb. Old kamerasi 10 Mp va asosiy kamerasi 12 Mp. Akkumulyator quvvati 3700 mA•s.

Yangi Galaxy Z Fold4 Android 12L operatsion tizimi oʻrnatilgan dunyodagi birinchi smartfon boʻldi. “Zamin” yangiliklarini “Telegram”da kuzatib boring