ASUS kompaniyasi 110x83x29 mm hajmli metall korpusga ega ZenBeam E1ko‘chma proektori ishlab chiqarilishi haqida ma’lum qildi, deb xabar beriladi "Kun" nashrida. Proektorda 6000 mAch sig‘imli akkumulyator o‘rnatilgan bo‘lib, u 5 soat davomida materiallarni to‘xtovsiz aylantirib ko‘rsata oladi. Surat diagonali 120 dyuym (304.8 sm)gacha etadi.
Mobil ZenBeam E1 150 lm yorqinlik, 3500:1 DCR kontrastlik va WVGA o‘lchamli (854x480 piksel) proeksiyalarni amalga oshiradi. Proeksion masofa 0.5 dan 3.7 metrgacha farq qiladi. Unda 2 vattli stereodinamika, HDMI/ MHL ulagichlari, USB Type-A porti va quloqchin uchun 3.5 millimetrli joy mavjud.
Mazkur proektordan uyda, idorada, anjumanlar vaqtida yoki tabiat qo‘ynidagi dam olish chog‘ida foydalanish mumkin. ASUS ZenBeam E1 ishchi kompyuterlar, noutbuklar, smartfon, planshet, o‘yin pristavkalari, eshittirish oqimi qurilmalari va ASUS Chromebit hamda ASUS VivoStick kabi kompyuter-breloklari bilan birga ishlatiladi. Yangi qurilma may oxirida 316 evro hisobida sotuvga chiqadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
