Ijtimoiy tarmoqlarda xakerlar mamlakat banklaridan birining Humo bank kartalarini buzib kirishgani haqidagi xabarlar tarqaldi. Unda bir necha bank kartalaridan umumiy hisobda 57 milliard so‘m yechib olingani va mazkur mablag‘lar kriptovalyutaga almashtirilib, mamlakatdan olib chiqib ketilgani iddao qilinadi.
Milliy banklararo protsessing markazining izoh berishicha, ushbu xabarlar yolg‘on va Humo to‘lov tizimi barcha xavfsizlik talablariga javob beradi.
“Humo to‘lov tizimi barcha xavfsizlik talablariga javob beradi va tizimga bevosita hech qanday kiberhujum sodir bo‘lmagan.
Shuningdek, ijtimoiy tarmoq faollaridan tekshirilmagan va yolg‘on ma’lumotlarni tarqatmasliklarini so‘raymiz. Eslatib o‘tamiz, aholi o‘rtasida yolg‘on axborot tarqatganlik uchun javobgarlik mavjud”, - deyiladi rasmiy munosabatda.
“Zamin” yangiliklarini “Instagram”da kuzatib boring
