Steam foydalanuvchilarni eskirgan loyihalardan himoya qilishni boshladi

Steam platformasi erta kirishdagi oʻyinlarni sotib oluvchi foydalanuvchilarni himoya qilish uchun yangi tizim joriy etdi. Endi uzoq vaqt yangilanmagan loyihalar maxsus belgi bilan ajratiladi, bu esa oʻyinchilarni tashlab qoʻyilgan oʻyinlar haqida ogohlantiradi.

Agar oʻyin bir yil davomida hech qanday yangilanish yoki yangilik olmagan boʻlsa, uning sahifasida quyidagi ogohlantirish paydo boʻladi: «Oxirgi yangilanish [sana] da chiqarilgan. Ishlab chiquvchining ma'lumotlari eskirgan boʻlishi mumkin». Ishlab chiquvchilar tushuntirishlar berish imkoniyatiga ega, masalan, rivojlanishdagi qiyinchiliklar yoki kelajak rejalari haqida ma'lumot berishlari mumkin.

Bu yangilik Steam’dagi sifat nazoratini oshirishga va ishlab chiquvchilarni shaffoflikka undashga xizmat qiladi. Oʻyinchilar esa endi forum yoki sharhlarni oʻqishga vaqt sarflash oʻrniga, ushbu belgilarga qarab qaror qabul qilishlari mumkin. “Zamin” yangiliklarini “Telegram”da kuzatib boring