LG yangi aqlli havo tozalagich PuriCare AeroHit’ni taqdim etdi

LG kompaniyasi PuriCare AeroHit nomli yangi aqlli havo tozalagichini taqdim etdi. Silindrsimon dizaynga ega ushbu qurilma hatto 0,01 mikrongacha bo‘lgan chang zarralarini filtrlash va havoning holatini kuzatish imkoniyatiga ega.

PuriCare AeroHit havoni chang, viruslar, allergenlar, hidlar va boshqa zararli zarrachalardan tozalash uchun Aero Series H filtridan foydalanadi. Qurilma filtrning ishlash muddatini kuzatib boradi va o‘z vaqtida almashtirish zarurligini oldindan prognoz qiladi.

Ushbu havo tozalagich LG ThinQ ilovasi orqali smartfon yordamida masofadan boshqarilishi mumkin. Shuningdek, qurilmadagi sensorli displey orqali qo‘lda sozlash ham oson bajariladi.

Tungi rejimda qurilma shovqin darajasini 25 dB dan oshirmaydi, bu esa qulay uxlash imkonini beradi. LG PuriCare AeroHit narxi 234 dollar etib belgilangan. “Zamin”ni Telegramʻda oʻqing!