AirSelfie – selfi oladigan mitti dron

Kickstarter platformasida selfi olishga mo‘ljallangan AirSelfie nomli mitti dronning loyihasi taqdim etildi. Ushbu dron-kvadrokopter ixcham shaklga ega, cho‘ntakda olib yursa bo‘ladi. Dron bir qator sensorlar, microSD-slot, Wi-Fi adapteri va batareya bilan jihozlangan.

Dronga aniqligi 5 MP bo‘lgan kamera o‘rnatilgan, uni maxsus mobil ilova yordamida boshqarish mumkin. Kvadrokopter orqali selfi quyidagi usulda olinadi: Foydalanuvchi apparatni ishga tushirib, smartfon orqali kerakli rakursni aniqlaydi, shundan keyin selfi olish uchun taymer o‘rnatiladi. Shunday qilib smartfonni boshqa joyga qo‘yib, selfi uchun zaruriy holatni egallash mumkin bo‘ladi.

AirSelfie’ning og‘irligi 50 gramm atrofida, avtonom ishlash vaqti taxminan 3 daqiqani tashkil etadi. Selfi dron keyingi yil 180 evro narxida sotuvga chiqadi