Google yangi sun’iy intellekt bilan Gmail va Docs’ni o‘zgartirdi

Google I/O 2025 tadbirida kompaniya Gmail, Google Docs va Google Vids ilovalari uchun yangi sun’iy intellekt funksiyalarini taqdim etdi, deb xabar beradi 3DNews.

Gmail: Yangi Gemini AI yordamchisi endi kontekst va yozish uslubini hisobga olib, shaxsiylashtirilgan javoblarni tayyorlaydi. U avvalgi yozishmalar, Google Drive’dagi fayllar va foydalanuvchi ohangiga moslab, formallik yoki norasmiylik darajasida xat yozadi.

Kirish xatlarini tozalash uchun ham AI yordam berishi mumkin: foydalanuvchi “so‘nggi yildagi o‘qilmagan xatlarni o‘chir” kabi oddiy so‘zlar bilan buyruq bersa kifoya.

Yana bir funksiya — uchrashuv va yig‘ilishlarni rejalashtirish bo‘lib, foydalanuvchidan tashqaridagi kontaktlar bilan Gemini yordamida avtomatik vaqt belgilanadi.

Google Docs: Endi hujjatlarni yozishda faqat ishonchli manbalar — Google Slides, Sheets va hisobotlar asos sifatida olinadi. Shunday qilib, AI noto‘g‘ri yoki ixtiyoriy ma’lumotlar ishlatmaydi.

Google Vids: Prezentatsiyalarni video formatga aylantirish, ssenariy yozish, ovozli ifoda va animatsiyalar yaratish — bularning barchasi AI yordamida amalga oshiriladi. Foydalanuvchi tanlagan avatar tayyorlangan ssenariyni o‘qiydi. Ushbu avatarlar iyun oyida keng ommaga taqdim etiladi.

Shuningdek, “Stenogramma qisqartirish” funksiyasi orqali “ee”, “hmm” kabi ortiqcha so‘zlar nutqdan avtomatik chiqariladi. “Balanslashtirilgan ovoz” esa barcha kliplarda tovush darajasini bir xil saqlaydi.

Google Workspace ilovalari endi Imagen 4 AI yordamida yanada aniqroq, sifatli rasm va grafikalar yaratish imkonini beradi. “Zamin”ni Telegramʻda oʻqing!