Avstraliyaning Kvinslend universiteti olimlari ilmiy jamoati inson hayotini saqlab qolishga qaratilgan yana bir innovatsion loyihani namoyish etdi. Ular tabiatdagi eng chidamli va harakatchan hasharotlardan biri — qo‘ng‘izni “kiborg”ga aylantirib, qidiruv-qutqaruv sohasi uchun noyob yordamchiga aylantirishga muvaffaq bo‘lishdi.
Loyihada oddiy qo‘ng‘izga chip va elektrodli mikro-ryukzak o‘rnatildi. Olimlar o‘yin kontrollerlari yordamida qo‘ng‘izning harakatini masofadan turib boshqara oldi — elektr signallari orqali hasharot antenna va qanotlarini rag‘batlantirish, burilish yoki devorga chiqishga unda bo‘lgan tabiiy qobiliyatni yanada oshirish imkonini berdi.
Tadqiqot rahbari doktor Tang Vo-Doan va yordamchisi Laklan Fitsjeraldning aytishicha, qo‘ng‘izlar oddiy robotlarga nisbatan ancha afzallikka ega. Ular murakkab, tor, siqilgan va notekis tuzilmalardan bemalol o‘ta oladi. Bu esa, ayniqsa, zilzila, portlash yoki boshqa favqulodda holatlarda vayronalar ostida qolgan odamlarni topishda juda qimmatli yordamchiga aylantiradi.
Hozirgi kunda jamoa ushbu miniatyura “kiborg-qo‘ng‘iz” ryukzakiga kamera va batareya joylashtirish ustida ish olib boryapti. Bu texnologiya kelajakda nafaqat qurbonlarni aniqlash, balki atrof-muhit haqida aniq ma’lumotlarni qutqaruvchilarga uzatish imkonini ham beradi.
Mutaxassislar bu texnologiyani besh yil ichida haqiqiy qutqaruv operatsiyalarida sinab ko‘rishni rejalashtirishmoqda. Agar u muvaffaqiyatli chiqsa, dunyoda qidiruv-qutqaruv standartlari tamoman yangilanishi mumkin.
Zamin.uz ilmiy taraqqiyot va innovatsiya yangiliklarini kuzatishda davom etadi — kelajak biz o‘ylagandan ham yaqinroq! “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
