Spotify AQShda oilaviy reja a’zolariga audiokitoblar taqdim etdi
Spotify AQShdagi Family rejasi foydalanuvchilariga ilk bor audiokitoblardan foydalanish imkonini berdi. Endilikda rejaning har bir a'zosi oyiga 15 soat audiokitob tinglashi mumkin. Foydalanuvchilar minglab audiokitoblarni mustaqil tanlab, alohida akkaunt orqali tinglash vaqtini boshqaradi. Kompaniya bu funksiyani keyinchalik boshqa mamlakatlarda ham joriy etishni rejalashtirmoqda.
Spotify AQShdagi oilaviy obunachilar uchun audiokitoblarga kirish imkoniyatini ilk bor joriy etdi, deb TechCrunch.com xabar berdi.
Endilikda Spotify Family rejasidagi har bir a’zo oyiga 15 soatlik audiokitob tinglash huquqiga ega bo‘ladi. Ilgari bu xizmat faqat individual va duo rejalar uchun mavjud edi.
Bu yangilik AQSh bozorida Spotify’ning raqobatbardoshligini oshirishga xizmat qiladi. Kompaniya Kindle va Audible kabi platformalarga raqobatchi bo‘lishni maqsad qilgan.
Spotify vakillarining ta’kidlashicha, servisda minglab audiokitoblar mavjud bo‘lib, ularni mustaqil tarzda tanlab tinglash mumkin.
Oilaviy rejaga a’zo bo‘lganlar alohida akkaunt orqali o‘z soatlarini nazorat qilishlari va tinglashlarini boshqarish imkoniga ega bo‘ladilar.
Kompaniya bu funksiyani keyinchalik boshqa mamlakatlarda ham yo‘lga qo‘yishni rejalashtirmoqda.
Izohlar 0
…