Pavel Durov — Telegram messenjeri asoschisi sifatida nafaqat texnoolamda, balki ommaviy axborot vositalarida ham doimiy diqqat markazida bo‘lib keladi. Joriy haftada esa uning shaxsiy Telegram akkaunti kutilmaganda yo‘qolib qolgani foydalanuvchilar orasida katta shov-shuvga sabab bo‘ldi.
Durovga tegishli deb hisoblangan @monk va @crow manzillari orqali akkauntga kirishga bo‘lgan har qanday urinishlar samarasiz yakunlandi. Bu holat faqat oddiy texnik nosozlik emasligi, balki jiddiy xavfsizlik muammosi bo‘lishi mumkinligi haqida savollarni tug‘dirdi. Rasmiy ma’lumot yo‘qligi esa holatga bo‘lgan qiziqishni yanada oshirdi.
Ayrim taxminlarga ko‘ra, akkaunt buzib kirilgan bo‘lishi mumkin — go‘yoki hujum qiluvchi shaxsiy kodni topib, akkauntni o‘chirish uchun so‘rov yuborgan. Shu bilan birga, Durov akkauntiga kelayotgan ko‘plab spam-xabarlar ortida fishing urinishlar pinhon bo‘lishi ehtimoli ham bor. Ammo boshqa bir fikrga ko‘ra, bu barchasi oddiy texnik xatolik bo‘lishi mumkin, chunki yuqori darajada himoyalangan Telegram platformasida bunday insident kamdan-kam uchraydi.
Bir necha soat o‘tgach, Durov akkaunti yana faol holatga qaytdi. Lekin bu qay tarzda amalga oshgani, kim tomonidan tiklangani yoki haqiqatan ham xakerlik hujumi bo‘lganmi — bu haqda hech qanday rasmiy bayonot berilmadi. Pavel Durovning o‘zi ham hodisaga hech qanday munosabat bildirmagan, bu esa foydalanuvchilar orasida turli taxminlarni yanada kuchaytirdi.
Manba: Peopletalk
“Zamin”ni Telegramʻda oʻqing!
