Google o‘zining Jules nomli sun’iy intellekt asosidagi kod yozuvchi yordamchisini rasman ishga tushirdi, deb TechCrunch.com xabar berdi. Endi u beta test bosqichidan chiqdi va barcha foydalanuvchilar uchun ochiq.
Jules dasturchilarga kod yozish, xatolarni aniqlash va funksiyalarni optimallashtirishda yordam beradi. U Google Gemini modellariga asoslangan bo‘lib, Google Cloud Developer Tools bilan integratsiya qilingan.
Kompaniya vakillarining aytishicha, Jules turli dasturlash tillarini qo‘llab-quvvatlaydi va real vaqt rejimida ishlay oladi. Shuningdek, u kontekstni tushunish, tavsiya berish va ish jarayonini tezlashtirish imkoniyatiga ega.
Google Jules’ni asosan professional dasturchilar uchun mo‘ljallagan, biroq interfeysi yangi boshlovchilar uchun ham qulay.
Kompaniyaning aytishicha, Jules GitHub Copilot va Amazon CodeWhisperer kabi raqobatchilarga javoban taqdim etilgan.
Yangi AI yordamchi dasturchilarning samaradorligini oshirish va kod sifatini yaxshilashni maqsad qiladi.
“Zamin”ni Telegramʻda oʻqing!
