
Xitoyning yirik texnogiganti Alibaba 27-noyabr kuni sun’iy intellektga asoslangan ilk aqlli ko‘zoynaklarini — Quark AI Glasses’ni taqdim etdi. U ikki turda: S1 va yengillashtirilgan G1 modellarida chiqarilgan.
Kompaniya vitse-prezidenti Vu Jiaga ko‘ra, aqlli ko‘zoynaklar inson va kompyuter o‘rtasidagi muloqotni yangi bosqichga olib chiquvchi inqilobiy texnologiya hisoblanadi.
S1 modeli 3799 yuandan (537 dollar) sotuvga chiqib, Snapdragon AR1 protsessoriga, real vaqtda tarjima, navigatsiya va savollarga javob berish kabi funksiyalarga ega.
G1 modeli esa 1899 yuan (268 dollar)dan boshlanib, 40 gramm og‘irlikdagi yengil variant sifatida taqdim etilgan.
Quark AI Glasses Meta Ray-Ban Display, Rokid va Xiaomi kabi raqib ko‘zoynaklarga jiddiy raqobatchi bo‘lishi kutilmoqda. Alibaba’ning qurilmasi hozircha monoxrom displey bilan jihozlangan.
Gadjet Taobao, JD.com va Douyin orqali oldindan sotuvga qo‘yilgan, ammo xalqaro bozorga chiqarish rejasi hali ma’lum emas.
“Zamin”ni Telegramʻda oʻqing!Mehmon guruhidagi foydalanuvchilar ushbu nashrga izoh qoldira olmaydi.