Valve kompaniyasi o'zining yangi Steam Machine konsoli hamda Steam Frame nomli XR garniturasini 2026 yil yakuniga qadar bozorga chiqarishga umid qilmoqda. Kompaniya rasmiy blogida ma'lum qilinishicha, global iqtisodiy inqiroz va butlovchi qismlar taqchilligiga qaramay, loyiha ustidagi ishlar davom etmoqda. Bu haqda wylsa.com xabar beradi.
Dastlabki rejalarga ko'ra, qurilma 2026 yil boshida sotuvga chiqishi kerak edi, biroq xotira chiplari narxining keskin oshishi va yetkazib berishdagi muammolar sababli muddatlar bir necha bor o'zgartirildi. IDC tahliliy agentligi mutaxassislari xotira narxlari 2027 yilgacha yuqori darajada qolishini bashorat qilmoqda, bu esa konsol taqdimoti yana o'rtaga surilishi mumkinligidan dalolat beradi.
Shunga qaramay, Valve marketing bo'limi rahbari Keysi Boyl mish-mishlarni rad etib, kompaniya o'z va'dasiga sodiq qolishini ta'kidladi. Uning so'zlariga ko'ra, Steam Machine, Steam Controller va Steam Frame mahsulotlarini joriy yil oxirigacha foydalanuvchilarga yetkazib berish rejalashtirilgan. Hozircha texnologiya ixlosmandlari kompaniyaning ushbu qiyin vaziyatdan qanday chiqib ketishini kuzatishmoqda.
“Zamin”ni Telegramʻda oʻqing!
