Texnologiya olamining giganti Apple o'z mahsulotlari qatorini tubdan yangilashga tayyorgarlik ko'rmoqda. Bloomberg agentligi jurnalisti Mark Gurmanning ma'lum qilishicha, kompaniya byudjetbop MacBook Neo modellarini ishlab chiqarish bilan bir qatorda, o'ta qimmat va yuqori texnologik Ultra qurilmalariga ham alohida e'tibor qaratmoqda. Bu haqda rozetked.me xabar beradi.
Yaqin kelajakda foydalanuvchilar MacBook Ultra noutbuklarini kutib olishlari mumkin. Ushbu qurilma mavjud Pro modellarini almashtirmaydi, balki alohida premium segment sifatida bozorga chiqadi. Uning asosiy o'ziga xosligi zamonaviy OLED displey bilan jihozlanishida bo'ladi. Shuningdek, Apple buklanuvchi iPhone smartfonini ham Ultra nomi ostida taqdim etishi kutilmoqda. Taxminan 2000 dollar narxda sotuvga chiqishi kutilayotgan ushbu smartfon innovatsion texnologiyalar va moslashuvchan ekran bilan jihozlanadi.
Bundan tashqari, kompaniya AirPods Ultra quloqchinlari ustida ham ish olib bormoqda. Mazkur aksessuar kompyuter ko'rish qobiliyatiga ega kameralar bilan ta'minlanadi. Bu funksiya Visual Intelligence tizimi orqali foydalanuvchini o'rab turgan narsalarni tanib olish va Siri yordamida ular haqida ma'lumot berish imkonini yaratadi. Barcha yangi qurilmalar 2026 yil oxiriga qadar bozorga chiqarilishi rejalashtirilgan.
“Zamin”ni Telegramʻda oʻqing!
