Rossiya Sanoat va savdo vazirligi milliy Max messenjerining mamlakat savdo sohasidagi imkoniyatlari kengaytirilganini e'lon qildi. Endilikda xaridorlar ayrim turdagi tovarlarni sotib olishda o'z yoshini ushbu ilova orqali tasdiqlashlari mumkin. Bu haqda Ixbt.com xabar beradi.
Mazkur tizim hozirda butun mamlakat bo'ylab 100 mingdan ortiq savdo nuqtalarida ishga tushirildi.
Vazirlik mutaxassislari integratsiyaning navbatdagi bosqichi ustida ish olib bormoqda. Kelgusida messenjer orqali imtiyozli maqomni, xususan, pensioner yoki ko'p bolali oila a'zosi ekanligini tasdiqlash imkoniyati yaratiladi.
Bu foydalanuvchilarga do'konlarda tegishli chegirmalardan tezkor foydalanish sharoitini taqdim etadi.
Hozirda Auchan tarmog'ining o'z-o'ziga xizmat ko'rsatish kassalarida ushbu funksiya joriy etilgan. Keyingi qadamda Max messenjeri Auchan sodiqlik dasturi bilan yanada chuqurroq bog'lanadi va an'anaviy kassalarga ham tatbiq etiladi.
Shu tariqa, messenjer oddiy muloqot vositasidan kundalik chakana xizmatlar asbobiga aylanib bormoqda.
“Zamin”ni Telegramʻda oʻqing!
