HMD 102 2G tugmachali telefonining texnik xususiyatlari ma'lum bo'ldi
HMD 102 2G tugmachali telefoni haqida texnik xususiyatlar ma'lum bo'ldi. Ushbu qurilma klassik dizaynda ishlab chiqilgan bo'lib, oddiy funksiyalarni afzal ko'radigan foydalanuvchilar uchun mo'ljallangan. Telefon 1,8 dyuymli IPS-ekran, 1000 mAh sig'imli olinadigan akkumulyator va S30+ operatsion tizimi bilan jihozlangan. Shuningdek, u 32 GB gacha microSD xotira kartalarini qo'llab-quvvatlaydi va ikki SIM-kartali rejimda ishlaydi.
Insayder smashx_60 yaqin orada sotuvga chiqishi kutilayotgan HMD 102 2G tugmali telefonining texnik parametrlarini e'lon qildi. Qurilma klassik uslubda ishlangan bo'lib, oddiy funksiyalarni afzal ko'ruvchi foydalanuvchilar uchun mo'ljallangan. Bu haqda Ixbt.com xabar beradi.
Yangi model 160 x 128 pikselli 1,8 dyuymli IPS-ekran va oddiy QVGA-kamera bilan jihozlanadi. Telefonning asosiy xususiyatlaridan biri uning 1000 mAs sig'imli olinadigan akkumulyatori hisoblanadi.
Qurilma S30+ operatsion tizimida ishlaydi va 32 GBgacha bo'lgan microSD xotira kartalarini qo'llab-quvvatlaydi. Shuningdek, telefonda Micro USB 1.1 porti, MP3-pleer, FM-radio va 3,5 mm quloqchin ulagichi mavjud.
HMD 102 2G ikki sim-kartali rejimda va faqat 2G tarmoqlarida ishlaydi. Avvalroq ushbu insayder HMD 150 4G va HMD Icon Flip 1 modellari haqida ham aniq ma'lumotlarni taqdim etgan edi.
Izohlar 0
…