Rossiya kosmonavtlari 2027-yildan VR-trenajyorlarda tayyorgarlik ko'radi
Rossiya kosmonavtlari 2027 yildan boshlab yangi VR-trenajyorlarda tayyorgarlik ko'radi. Ushbu zamonaviy kosmik trenajyor Rossiyaning yangi orbital stantsiyasini tayyorlash uchun mo'ljallangan bo'lib, butunlay mahalliy texnologiyalarga asoslanadi. Loyiha doirasida parvoz sharoitlarini modellash uchun virtual borliq texnologiyalari qo'llaniladi va yangi tizim Xalqaro kosmik stantsiya missiyalari uchun mavjud trenajyorlardan ancha ustun bo'lishi kutilmoqda.
Rossiyada yangi orbital stansiya (ROS) ekipajlarini tayyorlash uchun mo'ljallangan zamonaviy kosmik trenajyor ishlab chiqilmoqda. Loyihani 2027 yil yakuniga qadar yakunlash rejalashtirilgan bo'lib, u butunlay mahalliy texnologiyalarga asoslanadi. Bu haqda Ixbt.com xabar beradi.
Tizim ustida Rossiya Fanlar akademiyasi Sibir bo'limining Avtomatika va elektrometriya instituti mutaxassislari «Softlab-Nsk» kompaniyasi bilan hamkorlikda ish olib bormoqda. Loyihada parvoz sharoitlarini va boshqaruv jarayonlarini modellashtirish uchun virtual borliq (VR) texnologiyalaridan foydalanilmoqda.
Ishlab chiquvchilarning ta'kidlashicha, yangi majmua Xalqaro kosmik stansiya (XKS) missiyalari uchun qo'llaniladigan trenajyorlardan sezilarli darajada ustun bo'ladi. Xususan, tizim yanada mukammal grafika va o'zgacha arxitekturaga ega bo'lib, 50 Gs chastotada ishlaydi.
Loyiha doirasida barcha butlovchi qismlarni Rossiyada ishlab chiqarish ko'zda tutilgan. Bu xorijiy texnologiyalarga bo'lgan bog'liqlikni kamaytirish imkonini beradi.
Rossiya orbital stansiyasini to'liq ishga tushirish esa 2034-yilga mo'ljallangan.
Izohlar 0
…