AQSh SpaceX va Amazon uchun sun'iy yo'ldosh qoidalarini yangiladi
AQSh Federativ aloqa komissiyasi (FCC) sun'iy yo'ldosh spektridan birgalikda foydalanish qoidalarini yangilashni ma'qulladi. Eski cheklovlar "Starlink" kabi past orbitali tizimlarning quvvatini cheklab kelgan bo'lsa, endi zamonaviy texnologiyalar asosida yangi himoya choralariga o'tiladi. Bu o'zgarish "SpaceX" va "Amazon" kompaniyalarining sun'iy yo'ldosh interneti tezligini oshirishga yordam beradi va tarmoqning o'tkazuvchanlik qobiliyatini 100-700 foizga oshirish imkonini beradi.
AQSh Federal aloqa komissiyasi (FCC) sun'iy yo'ldosh spektridan birgalikda foydalanish qoidalarini modernizatsiya qilishni ma'qulladi. Bu haqda Ixbt.com xabar beradi.
Eski cheklovlar geostatsionar orbitadagi eski sun'iy yo'ldoshlarni himoya qilish maqsadida "Starlink" kabi past orbitali tizimlar quvvatini cheklab kelgan. Endi ular zamonaviy texnologiyalarga asoslangan yangi himoya choralari bilan almashtiriladi.
FCC bayonotiga ko'ra, o'nlab yillar davomida amalda bo'lgan tartib operatorlarning iste'molchilarga yuqori tezlikdagi xizmatlarni taqdim etish imkoniyatini cheklagan. Bu o'zgarish "SpaceX" va "Amazon" kompaniyalarining sun'iy yo'ldosh interneti tezligini sezilarli darajada oshirishga qaratilgan.
Komissiya ma'lumotlariga ko'ra, xuddi shuncha sun'iy yo'ldoshdan foydalangan holda tarmoqning o'tkazuvchanlik qobiliyatini 100-700 foizga oshirish imkoniyati yaratiladi. Shuningdek, "Starlink" o'zining sun'iy yo'ldosh internetini Gibraltarda ishga tushirganini e'lon qildi.
Izohlar 0
…