QNAP kompaniyasi lokal sun'iy intellektga yo'naltirilgan yangi avlod QAI-h1290FX tarmoq xotirasini taqdim etdi. Tizim asosi 16 yadroli va 32 oqimli AMD EPYC 7302P server protsessoriga tayanadi. Bu haqda Ixbt.com xabar beradi.
Garchi protsessor 6 yillik bo'lsa-da, lokal NAS uchun yetarlicha kuchli hisoblanadi. Tezkor xotira hajmi 1 TB DDR4 ECC gacha yetishi mumkin.
Asosiy e'tibor grafik tizimga qaratilgan. Eng yuqori konfiguratsiyada 96 GB GDDR7 xotiraga ega NVIDIA RTX PRO 6000 Blackwell Max-Q Workstation tezlatkichi ishlatiladi.
Ulanish PCIe 5.0 x16 orqali amalga oshiriladi va ikki slotli faol sovutish tizimi bilan jihozlangan. Arzonroq variant sifatida 32 GB xotirali RTX PRO 4500 Blackwell taklif etiladi.
Xotira tizimi 12 ta U.2 NVMe PCIe Gen4 x4 yoki SATA drayverlarini o'rnatishni qo'llab-quvvatlaydi. Shuningdek, qurilma ikkita 25GbE SFP28 va ikkita 2.5GbE portlari bilan ta'minlangan.
SSD disklari to'plamga kiritilmagan bo'lib, tizimni alohida so'zlash talab etiladi.
Kompaniya 96 GB xotirali RTX PRO 6000 Blackwell konfiguratsiyasining unumdorlik testlarini e'lon qildi. QNAP ma'lumotlariga ko'ra, tizim ba'zi holatlarda soniyasiga 172 ta tokengacha ishlab chiqarish imkoniyatiga ega.
Yangi qurilmaning narxi uning tarkibiga bog'liq. 64 GB tezkor xotirali versiya 9000 dollar, 128 GB xotirali variant 13 500 dollar va 256 GB xotirali model 16 000 dollarni tashkil qiladi.
NAS uchun 5 yillik kafolat taqdim etiladi.
“Zamin”ni Telegramʻda oʻqing!
