Anthropic va OpenAI kompaniyalari korporativ sun'iy intellekt mahsulotlarini bozorga olib chiqish maqsadida yirik sarmoyadorlar bilan hamkorlikni boshladi. Anthropic korporativ xizmatlarga yo'naltirilgan yangi qo'shma korxona tashkil etilganini e'lon qildi. Bu haqda Techcrunch.com xabar beradi.
Yangi loyihaning ta'sischilari qatoridan Blackstone, Hellman & Friedman va Goldman Sachs kabi yirik kompaniyalar joy oldi. The Wall Street Journal nashriga ko'ra, ushbu korxona 1,5 milliard dollarga baholanmoqda.
Anthropic, Blackstone va Hellman & Friedman loyihaga 300 million dollardan sarmoya kiritadi.
Ayni paytda OpenAI ham xuddi shunday qadam tashlashga tayyorgarlik ko'rmoqda. Bloomberg xabariga ko'ra, kompaniya The Development Company deb nomlangan yangi korxona uchun mablag' jalb qilmoqda.
OpenAI loyihasi 10 milliard dollarga baholanib, 19 ta sarmoyadordan 4 milliard dollar yig'ishni rejalashtirgan.
Ikkala loyihaning ham asosiy maqsadi muqobil aktivlarni boshqaruvchi kompaniyalardan mablag' jalb qilib, korporativ sun'iy intellekt kelishuvlari uchun yangi kanallar yaratishdan iborat. Yangi sarmoyalar muhandislik resurslarini ko'paytirishga va xodimlarning ish jarayoniga mos vositalarni ishlab chiqishga yo'naltiriladi.
“Zamin”ni Telegramʻda oʻqing!
