Sber kompaniyasi oʻzining GigaChat sunʼiy intellekt yordamchisi ichida «ZOJ» (sogʻlom turmush tarzi) deb nomlangan yangi tematik maydonni ishga tushirdi. Ushbu yangilik anʼanaviy «SberPrime Zelyoniy Marafon» xayriya yugurish musobaqasi arafasida foydalanuvchilar eʼtiboriga havola etildi. Bu haqda Ixbt.com xabar beradi.
Dasturchilarning taʼkidlashicha, mazkur boʻlim sunʼiy intellekt bilan toʻgʻri ovqatlanish, jismoniy mashqlar va foydali odatlar haqida muloqot qilish uchun qulay muhit yaratadi. Foydalanuvchilar oʻzlarining faol hayot tarziga mos keladigan shaxsiy tavsiyalar va kerakli koʻmakni olishlari mumkin.
«ZOJ» maydoni giga.chat veb-sayti va mobil ilovasi orqali barcha uchun ochiq. Tizim ichida turli toifalarga ajratilgan tayyor ssenariylar katalogi mavjud boʻlib, u ham yangi boshlovchilar, ham tajribali sportchilar uchun foydali vosita boʻlib xizmat qiladi.
“Zamin”ni Telegramʻda oʻqing!
