Rossiyaning import o‘rnini bosuvchi SJ-100 samolyotlarini PD-8 dvigatellari bilan birga yetkazib berish 2026-yilning oxiri yoki 2027-yilning birinchi choragida boshlanishi kutilmoqda. Bu haqda Rossiya Federatsiyasi birinchi bosh vaziri o‘rinbosari Denis Manturov ma’lum qildi. Bu haqda Ixbt.com xabar beradi.
Manturovning so‘zlariga ko‘ra, samolyotning sertifikatsiya jarayoni yakunlanishi bilan bir vaqtda PD-8 dvigatellari ham tayyor bo‘lishi kerak. Sertifikatsiya yaqin vaqt ichida yakunlanishi kutilmoqda, shundan so‘ng havo kemalarini birinchi buyurtmachilarga topshirish jarayoni boshlanadi.
Yetkazib berishning aniq muddati samolyotlarni rasmiylashtirish va mijozga topshirish jarayonining qanchalik tez o‘tishiga bog‘liq. Aynan shu sababli muddatlar 2026-yil yakuni yoki 2027-yilning boshiga to‘g‘ri kelishi mumkin.
SJ-100 — bu Sukhoi Superjet 100 samolyotining modernizatsiya qilingan versiyasi bo‘lib, u G‘arb sanksiyalariga javoban maksimal darajada import o‘rnini bosish maqsadida ishlab chiqilgan. Loyiha doirasida qariyb 40 ta xorijiy tizim, jumladan, dvigatellar, avionika va shassilar mahalliy analoglarga almashtirilgan.
“Zamin”ni Telegramʻda oʻqing!
