Rossiya bozorida Infinix GT 50 Pro smartfonining sotuvi boshlandi. Qurilmaning asosiy oʻziga xosligi — mikrokanallar va issiqlik tashuvchining oʻrnatilgan sirkulyatsiyasiga ega HydroFlow suyuqlik sovutish tizimidir. U issiqlikni asosiy komponentlardan bevosita chiqarib yuboradi va uzoq davom etadigan oʻyin seanslarida trottling xavfini kamaytiradi. Bu haqda Ixbt.com xabar beradi.
Smartfon unumdorligi uchun MediaTek Dimensity 8400 Ultimate chipi javob beradi. Qurilma 12 GB tezkor xotira va 512 GB gacha doimiy xotira bilan jihozlangan boʻlib, talabchan oʻyinlarda yuqori kadrlar chastotasini barqaror ushlab turishga moʻljallangan. Shuningdek, qoʻshimcha ravishda tashqi magnit kuleridan foydalanish mumkin, u qurilmani akkumulyatorni chetlab oʻtgan holda quvvatlantirish imkoniga ega.
Displey 6,78 dyuymli AMOLED texnologiyasida ishlangan boʻlib, 1,5K aniqlik va 144 Gs yangilanish chastotasini qoʻllab-quvvatlaydi. Ekranning eng yuqori yorqinligi 4500 nitga yetadi, bu esa quyoshli kunda ham tasvirni aniq koʻrish imkonini beradi. Koʻz charchashini kamaytirish uchun yuqori chastotali SHIM-dimming va maxsus himoya texnologiyalari joriy etilgan.
Infinix GT 50 Pro 6500 mA/soat sigʻimli ulkan akkumulyator bilan taʼminlangan. U 45 W simli, 30 W simsiz va boshqa aksessuarlarni quvvatlantirish uchun 10 W teskari quvvatlash funksiyalariga ega. Oʻyinlarni boshqarish qulayligi uchun korpusda sezgirligi sozlanadigan sensorli trigerlar oʻrnatilgan.
“Zamin”ni Telegramʻda oʻqing!
