2026-yilda Rossiya davlat xizmatlari portalidagi raqamli kontent kutubxonasining ommaviyligi sezilarli darajada oʻsdi. Raqamli rivojlanish vazirligi maʼlumotlariga koʻra, servisga murojaatlar soni oʻtgan yilga nisbatan ikki baravarga koʻpaygan. Ushbu xizmat foydalanuvchilarga taʼlim materiallaridan elektron shaklda bepul foydalanish imkoniyatini taqdim etadi. Bu haqda Ixbt.com xabar beradi.
Hozirgi vaqtda kutubxonadan 2,9 million oʻqituvchi va oʻquvchi foydalanmoqda, umumiy murojaatlar soni esa 31,2 millionga yetdi. Foydalanuvchilarning 0,15 millionini oʻqituvchilar, 2,75 millionini esa oʻquvchilar tashkil etadi. Oʻqituvchilar oʻquv dasturiga mos materiallarni oʻz shaxsiy kabinetlari va mintaqaviy elektron kundaliklar orqali tanlab olishlari mumkin.
Oʻquvchilar topshiriqlarni maxsus ilova orqali ochish imkoniyatiga ega. Servisdagi barcha kontent federal taʼlim standartlari va dasturlariga toʻliq mos keladi. Materiallarni QR-kod yordamida ochish mumkin, kontent davomiyligi esa oʻquvchining kompyuter qarshisida oʻtkazishi mumkin boʻlgan vaqt meʼyorlariga qarab cheklangan.
Raqamli rivojlanish vazirligi ushbu servisdan foydalanish ixtiyoriy ekanligini alohida taʼkidladi. Maktablar oʻquv jarayonida ushbu raqamli resurslardan qachon va qanday tartibda foydalanishni mustaqil ravishda hal qiladilar.
“Zamin”ni Telegramʻda oʻqing!
