Yandex jamoasi 2026-yil may oyida Alisa AI uchun taqdim etilgan yirik yangilanishlar haqida maʼlumot berdi. Endilikda foydalanuvchilar fotosuratlardan fonni tezda olib tashlashlari, tasvirdagi muhim detallarni ajratib koʻrsatishlari va mahsulotlarni nafaqat havola, balki nomi boʻyicha ham qidirishlari mumkin. Bu haqda Ixbt.com xabar beradi.
Asosiy yangiliklardan biri tasvirlardagi fonni oʻchirish imkoniyatidir. Buning uchun suratni “Suratni jonlantirish” boʻlimiga yuklash, “Oʻzgartirish” bandini tanlash va Alisa AIʼdan fonni olib tashlashni soʻrash kifoya. Tayyor natijani PNG formatida saqlab olish mumkin. Bundan tashqari, neyrotarmoq endi tasvirning maʼlum bir qismi boʻyicha savollarga javob berishni oʻrgandi.
“Studiya” boʻlimida fotosuratlarni tahrirlash va jonlantirish funksiyalari birlashtirildi. Surat tahrirlangandan soʻng ekranda “Jonlantirish” tugmasi paydo boʻladi va u avtomatik ravishda animatsiya yaratish jarayonini ishga tushiradi. Bu foydalanuvchilarga kontent bilan ishlashda vaqtni tejash imkonini beradi.
“Arzonroq topish” deb nomlangan sunʼiy intellekt agenti endi mahsulotlarni nafaqat havola orqali, balki nomi boʻyicha ham qidiradi. Qidiruv tezligi oshirildi, mahsulot narxi yonida esa taklifning qanchalik foydali ekanligi haqida maslahatlar paydo boʻldi. Shuningdek, qidiruv hududini tanlash imkoniyati qoʻshildi, bu boshqa shaharlarga sovgʻa buyurtma qilishda juda qulaydir.
“Zamin”ni Telegramʻda oʻqing!
