«Rossiya temir yoʻllari» (RJD) yuqori tezlikdagi magistrallar (VSM) uchun moʻljallangan yoʻlning yuqori qismini sinovdan oʻtkazishni boshladi. Bu haqda kompaniyaning rasmiy Telegram-kanalida xabar berildi. Kolomnadagi VNIKTI sinov markazida ballastsiz konstruksiyaning tajriba namunasi yigʻildi. Bu haqda Ixbt.com xabar beradi.
Ushbu loyihada relslar va poydevor plitasi oʻz-oʻzidan zichlashuvchi beton yordamida birlashtirilib, yer qatlamiga taqlid qiluvchi maxsus matlar ustiga yotqizilgan. Hozirda butun konstruksiya resurs stendiga oʻrnatilgan boʻlib, sinovlar jadallashtirilgan rejimda olib borilmoqda.
Qurilmaga 8 ta pulsator taʼsir koʻrsatmoqda: ularning 4 tasi gorizontal va 4 tasi vertikal tekislikda joylashgan boʻlib, 75 tonnalik oʻq yuklamasini hosil qiladi. Bu koʻrsatkich boʻlajak yuqori tezlikdagi poyezdlarning kutilayotgan taʼsiridan ancha yuqoridir. Maxsus tenzodatchiklar esa konstruksiya elementlarining mustahkamligini tekshirib, har qanday deformatsiyani qayd etib bormoqda.
RJD mutaxassislarining taʼkidlashicha, ushbu «vaqt mashinasi» bir oy ichida 9 million marta yuklanish sikliga bardosh berishi kerak. Bu esa magistralning 50 yillik uzluksiz ekspluatatsiya qilinishiga teng keladigan muddatdir. Mazkur texnologiya kelajakda poyezdlarning xavfsiz va yuqori tezlikda harakatlanishini taʼminlaydi.
“Zamin”ni Telegramʻda oʻqing!
