Xiaomi kompaniyasi oʻzining yangi Mijia Shower Head dush toʻplami sotuvga chiqishini eʼlon qildi. Yangi qurilma 30-maydan boshlab Xitoy bozorida sotila boshlaydi. Mahsulotning tavsiya etilgan narxi 1099 yuan (taxminan 160 dollar) boʻlsa-da, dastlabki xaridorlar uchun u 999 yuan (150 dollar) narxida taklif etiladi. Bu haqda Ixbt.com xabar beradi.
Dush toʻplami kengligi 370 mm boʻlgan katta saqlash tokchasi va 305 mm oʻlchamdagi kvadrat shaklidagi yuqori dush boshi bilan jihozlangan. Qurilmaning asosiy xususiyatlaridan biri haroratni silliq va aniq sozlash imkoniyati mavjudligidir. Konstruksiyada H59 markali antibakterial latun ishlatilgan, old panel esa chidamli toblangan shishadan ishlangan.
Boshqaruv uchun alohida tugmali oʻtkazgich koʻzda tutilgan boʻlib, u suv uzatishni turli seksiyalar boʻyicha yoqish va sozlash imkonini beradi. Mijia Shower Head 4 xil suv purkash rejimini qoʻllab-quvvatlaydi va “bir tugma — bir funksiya” sxemasi asosida ishlaydi. Shuningdek, tizim bir vaqtning oʻzida bir nechta kanallar orqali suv uzatish funksiyasiga ham ega.
“Zamin”ni Telegramʻda oʻqing!
