Bugun Xitoyda Xiaomi Mijia brendining ilk dush tizimi rasman sotuvga chiqdi. Yangi qurilma taxminan 150 dollar ekvivalentida baholanmoqda. Sotuvlar boshlanishi bilan bir vaqtda ushbu tizimning texnik imkoniyatlari va oʻziga xos jihatlari haqida batafsil maʼlumotlar eʼlon qilindi. Bu haqda Ixbt.com xabar beradi.
Modelning asosiy xususiyatlaridan biri — uzunligi 370 mm boʻlgan oʻta keng javonidir. Unda shampunlar, dush gellari va boshqa gigiyena vositalarini bemalol joylashtirish mumkin. Shuningdek, tizim uch xil rejimda ishlovchi 305 mm oʻlchamli kvadrat shaklidagi yuqori dush kallagiga ega.
Tizim devorga mahkamlanadigan katta toblangan shisha panel bilan jihozlangan. Ushbu shisha tirnalishlarga chidamli va oson tozalanadi. Mikserning yuqori qismi javon vazifasini oʻtaydi, shu bilan birga u issiqlik izolyatsiyasi xususiyatiga ega boʻlib, foydalanuvchini kuyishdan himoya qiladi.
Qurilma pianino klavishlari uslubidagi alohida boshqaruv tugmalarini oldi. Suv uzatishning toʻrt xil rejimi mavjud: yuqori dush, qoʻl dushi, maksimal bosimli dush va «sharshara» rejimi. Shuningdek, bir vaqtning oʻzida bir nechta kanaldan (masalan, yuqori va qoʻl dushi) suv uzatish funksiyasi ham qoʻshilgan.
Dush tizimining ichki qismi H59 markali antibakterial latunli yaxlit korpusdan ishlangan. Haroratni silliq sozlash imkoniyati mavjud boʻlib, qoʻl dushi ham oddiy va ingichka oqim rejimlarida ishlay oladi.
“Zamin”ni Telegramʻda oʻqing!
