Hark stртапи brauzerda vazifalarni bajaruvchi agentHark Handoffʼni taqdim etdi

May oyida 700 million dollar miqdorida sarmoya jalb qilgan Hark stayti bugungi kunda internetdagi turli vazifalarni avtomatlashtirishga qodir boʻlgan agentHark Handoff dasturini eʼlon qildi. ixbt.com maʼlumotiga koʻra, ushbu yangi texnologiya veb-sahifalarni samarali boshqarish va foydalanuvchi buyruqlarini mustaqil bajarish imkoniyatiga ega boʻlib, sunʼiy intellekt bozorida raqobatni yanada kuchaytirishi kutilmoqda. Bu haqda Techcrunch.com xabar beradi.

Hark vakillarining taʼkidlashicha, Handoff agenti rasmiy API interfeyslariga ega boʻlmagan Target, Walmart, OpenTable hamda LinkedIn kabi murakkab veb-resurslarda ham bemalol harakatlana oladi. Dastur veb-sayt tuzilmasi va vizual maʼlumotlarni tahlil qilgan holda, qachon tugmani bosish yoki qayerga maʼlumot kiritish kerakligini oʻzi aniqlaydi.

Imkoniyatlar va ishlash prinsipi

Mazkur yechimning asosiy gʻoyasi oldindan mavjud boʻlgan koʻplab brauzer agentlariga oʻxshab ketadi. Foydalanuvchi oddiy buyruq beradi, qolgan jarayonni esa tizim bajaradi. Xususan:

• Ovqat yoki qahva buyurtma qilish
• Sayohat chiptalarini band etish
• Mahsulotlarni qaytarish uchun ariza berish
• Kundalik zarur buyumlarni xarid qilish
• Restorandan stol band qilish
• Turli manbalar asosida maʼlumot toʻplash

Kompaniya bosh direktori Brett Adcock eʼlon qilgan videorolikda yordamchi foydalanuvchi talabiga koʻra maxsus gullardan guldasta yigʻish vazifasini bajargani koʻrsatilgan. Bunda hatto floristning ixtiyoriga tayanuvchi noaniq shartlar ham inobatga olingan. Biroq, videoda jarayonning faqat qisman koʻrsatilgani uning samaradorligini toʻliq baholashga imkon bermaydi.

Texnik yondashuv va raqobat

Hark joriy versiya uchun post-treningdan oʻtgan modeldan foydalanganini, joriy yil oxirigacha esa toʻliq pre-trening bosqichiga oʻtishni rejalashtirayotganini maʼlum qildi. Ushbu yondashuv maʼlumotlar quvuri, infratuzilma va usullarni tezroq takomillashtirish imkonini beradi. Shuningdek, kompaniya bayonotiga koʻra, ularning modeli navbatdagi tokenni bashorat qiluvchi anʼanaviy katta til modellaridan (LLM) farqli oʻlaroq, sichqoncha yoki klaviatura harakati kabi keyingi amallarni oldindan taxmin qila oladi.

Hozirgi kunda Google, OpenAI va Anthropic kabi gigantlar, shuningdek, Browser Use, Polar, Strawberry va Aside kabi venchur moliyalashtiruvidagi startaplar kompyuter yordamida vazifalarni bajaruvchi agentlar ustida faol ishlamoqda. Hark oʻzining Handoff agenti raqobatchilardan tezroq ishlashi hamda boshqa modellarga nisbatan arzonroqqa tushishini daʼvo qilmoqda.

Hozirda startap oʻz platformasi uchun kutish roʻyxatini ochgan boʻlib, uni yoz oxirigacha keng jamoatchilikka taqdim etishni rejalashtirmoqda.