12:02 / 26.09.2015
5 765

Avstraliyada iPhone 6s smartfoni mustahkamlikka sinovlardan o‘tkazildi

Avstraliyada iPhone 6s smartfoni mustahkamlikka sinovlardan o‘tkazildi
TechSmartt va PhoneBuff kanallari yangi iPhone 6s va iPhone 6s plus smartfonlarini Sidneyda sotuvga chiqarilgandan keyin xarid qildilar va mustahkamlikka sinovdan o‘tkazdilar.

Apple’ning yangi modeldagi smartfonlari korpusi 7000 seriyadagi mustahkamroq alyuminiy qotishmadan tayyorlangan. Misol uchun, sinovlarda yangi smartfonning orqa paneli iPhone 6’ning paneliga nisbatan 2,66 marta ko‘proq egilishga bardoshliroq bo‘lgan. iPhone 6s va iPhone 6s plus smartfonlari Apple Watch’ning sport modellarida ishlatiluvchi Ion-X himoya oynasiga ega.

TechSmartt kanali uch xil sinov o‘tkazdi: cho‘ntakdan tushirib yuborish, gaplashayotganda tushirib yuborish va oldinga chiqarilgan qo‘l balandligidan tushirib yuborish. Barcha sinovlar savdo markazlarining pollari ustida bajarildi. iPhone 6s ham, iPhone 6s plus ham ikkita dastlabki sinovdan keyin katta bo‘lmagan shikastlanishlar, tirnalishlar va siniqlarga uchradi. Uchinchi sinovda, ya’ni oldinga cho‘zilgan qo‘l balandligidan tashlanganda iPhone 6s’ning oynasi darz ketdi, biroq smartfon sensor ekrani ishlash qobiliyatini saqlab qoldi.

PhoneBuff kanali telefonlarni dag‘alroq yuzalarga tashladi. U ham uchta sinov o‘tkazdi: orqa panel, yon tomon va ekran tomon bilan tushish. Ikkita dastlabki sinovda ikkala smartfon ham siniqlar va tirnalishlarga uchradi, oxirgi sinovda iPhone 6s va iPhone 6s plus’ning displeylari darz ketdi. Bu holda ham ularning sensor ekranlarining ishlash qobiliyati saqlanib qoldi. Sinovlar natijasida smartfonlarning oynalari mustahkam emasligi qayd qilindi.


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Avstraliyada iPhone 6s smartfoni mustahkamlikka sinovlardan o‘tkazildi
[/banner_pushhouse