Yaponiyaning «Taisei» kompaniyasi ish tugagach, xodimlarni ofisdan haydab soluvchi dron turini yaratdi

Kompaniya mutaxassislarining aytishicha, qaysi korxona yoki tashkilotga bormang, shunday ishchi-xizmatchilar borki, ular ish vaqti tugagandan keyin ham ofisdan chiqqilari kelmaydi. Bir joyda uzoq vaqt o‘tirib qolish esa oqibatda jiddiy xastaliklar kelib chiqishiga sabab bo‘ladi.

Dronga «T-Frend» deya nom berildi. Uning vazifasi ofisdagi xizmatchilarni videokamera yordamida nazoratda ushlashdan iborat. Agar ish vaqti tugagandan keyin ham qaysidir xodim uyga ketishga shoshilmasa, ishlashda davom etsa, aynan o‘shaning tepasiga kelib o‘zidan o‘ta sershovqin musiqa tarata boshlaydi. Bunday shovqinda, shubhasiz, xodim ishlay olmasligi aniq. “Zamin”ni Telegramʻda oʻqing!