Qancha urinmang, foydasi yo‘q.
Foto: “Nashkomp.ru”
Tasodifan yoki ataylab “Telegram”dagi barcha yozishmalar tarixini o‘chirib yubordingiz, biroq u yerda sizga kerakli narsalar borligi birdan yodingizga tushdi… Endi esa uni qayta tiklash kerak. Buning uchun nima qilish lozim? Axir ko‘plab messenjerlarda bu kabi funksiya mavjud-ku. Bundan tashqari ular yozishmalar tarixidan zaxira tarzida nusxa olib qo‘yish imkonini beradi. “Telegram”da ham shunday qilsa bo‘ladimi?
Yozishmalarni qanday tiklash mumkin?
Foydanuvchilarning aksariyati messenjerning o‘zida ushbu ishni bajarish imkonsiz deb hisoblaydi. Shunda ular “Telegram” o‘rnatilgan papkaning ichiga kirib ko‘rishadi. Biroq u yerda ham yozishmalar tarixiga bog‘liq fayllarni topa olishmaydi. Jahli chiqqan foydalanuvchi qo‘llab-quvvatlash xizmati bilan bog‘lanadi. Shunda “Telegram” ma’muriyatidan yakuniy xulosa taqdim etiladi: “Telegram”da o‘chirib yuborilgan yozishmalarni qayta tiklashning iloji yo‘q. Umuman!
Nega qayta tiklashning iloji yo‘q?
Yakuniy izohni olgan foydalanuvchini boshqa savol qiynay boshlaydi: nega iloji yo‘q?
Buning sabablarini quyida keltirib o‘tamiz:
- “Telegram”ni yaratishda asosiy e’tibor shaxsiy xavfsizlikka qaratilgan. Shunga muvofiq, foydalanuvchiga o‘z yozishmalarini boshqa hech kim o‘qiy olmasligi uchun unga qayta tiklash usulisiz o‘chirib tashlash huquqi berilgan.
- Barcha yozishmalar “Telegram”ning markaziy serverida saqlanadi. Shunday ekan, ular o‘sha yerdan o‘chiriladi — foydalanuvchining qo‘lidagi qurilmadan emas. Qayta tiklash uchun esa markaziy serverdan foydalanish huquqiga ega bo‘lish kerak. Albatta, hech kim oddiy foydalanuvchiga bu kabi huquqni bermaydi.
Yozishmalarni qayta tiklashga qodir “sehrli” dasturlar
Ba’zida internet tarmog‘ida “Telegram”dagi yozishmalarni qayta tiklab beruvchi dasturlar paydo bo‘lib qoladi. Xuddiki, uni yaratishda Durovning shaxsan o‘zi ishtirok etgan. Bularning barchasi 100 foiz xavfli dasturlar yoki “toza” virus hisoblanadi. Bu kabi “sehrli” dasturlar avvaliga foydalanuvchidan uning telefon raqamini so‘raydi (akkauntiga kirish uchun) — shundan so‘ng foydalanuvchi hisobidagi pullar qayerga yo‘qolganini bilmay ham qoladi…
Ishonuvchan foydalanuvchilarga yana bir bor eslatib o‘tamiz: “Telegram” messenjerida o‘chirib yuborilgan yozishmalarni qaytarishning hech qanday usuli yo‘q!
Manba: Xabar.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Abduqodir Husanov va Hojimat Erkinov klubi ixtiyoriga qaytdi
AQSHda MXA sobiq xodimi Rossiya foydasiga josuslik qilgani uchun 21 yilga qamaldi
Binance asoschisi to‘rt oylik qamoq jazosiga hukm qilindi
Filippinda qurib qolgan suv to‘g‘oni ostida 300 yillik shahar qoldiqlari topildi
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Shi Te Yong: "Bizda hali olimpiadaga chiqish imkoniyati bor"
Turkiya Isroil bilan barcha savdo aloqalarini to‘xtatdi