Navoiy viloyatidagi “Qulquduq” havo-yer harbiy poligonida Xitoyda ishlab chiqarilgan FD-2000 rusumli havo hujumiga qarshi zenit-raketa majmualari muvaffaqiyatli sinovdan o‘tkazildi.
Mudofaa vazirligi xabariga ko‘ra, sinov “Musaffo osmon” taktik-o‘quv mashg‘uloti davomida o‘tkazilgan va O‘zbekiston havo sarhadlari ishonchli qo‘llarda ekanini yaqqol isbotlangan.
Ta’kidlanishicha, jangovar shay holatga keltirilgan zenit-raketa majmualari ishga tushirilgan. Dastlab, harbiy aviatsiya orqali yaqin masofadagi nishon havoga qo‘yib yuborilgan. Havodagi jism haqida to‘liq va aniq ma’lumotlarga tayangan holda raketa jangovar holatda otilgan. Nishon qisqa vaqt ichida bexato urib tushirilgan.
Shundan so‘ng, uzoq masofadagi nishonlarni urib tushirishga mo‘ljallangan zenit-raketa majmuasi o‘z “ish”ini boshlagan. Havoga shartli dushman – uchuvchisiz uchish apparati uchirilgan.
Shaxsiy tarkib boshqaruv va qo‘mondonlik punktida uzoq masofadagi nishonning oraliq masofasi, harakati va tezligini aniqlab, kuzatuvga olgan. So‘ngra yuqori qo‘mondonlikning “Nishon yo‘q qilinsin!” buyrug‘iga binoan havo-yer raketasi jangovar otish holatida nishon tomonga yo‘nalish olgan.
“Sanoqli soniyalarda shartli dushman uchish apparati butkul zararsizlantirildi. Qo‘yilgan jangovar vazifa a’lo darajada bajarildi”, - deyiladi xabarda.
Eslatib o‘tamiz, avvalroq O‘zbekiston Mudofaa vazirligi FD-2000 rusumli raketalarni ilk bor sinovdan o‘tkazishi haqida xabar qilgan edik. FD-2000 (boshqa nomi HQ-9) - Xitoyda ishlab chiqariladigan zenit raketa majmuasi bo‘lib, u katta maydonlar havo hujumida himoya qilish uchun xizmat qiladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Italiya sudi Quddus Isroil poytaxti emasligi haqida qaror chiqardi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
