4 639
“Rejalarimizdan biri - plastik kartalardan voz kechish” — Dekabr oxirida HUMOPay ishga tushirilishi kutilmoqda
Bugun, 3 dekabr kuni, Ground Zero markazida HUMO va Mastercard toʻlov tizimlari hamkorligida amalga oshirilgan qulay toʻlov shakli haqida matbuot anjumani tashkil etildi. Tadbirda Milliy banklararo protsessing markazi direktori Shuhratbek Qurbonov HUMO toʻlov tizimiga oid yangiliklar, qilingan ishlar yuzasidan maʼlumot taqdim etdi.
«HUMO toʻlov tizimi joriy yilning may oyida ishga tushirildi. 7 oy ichida nimalarga erishdik?
Banklar bilan hamkorlikda butun respublika boʻylab 170 mingdan ortiq terminallarni ishga tushirdik. 2,2 milliondan ortiq HUMO kontaktsiz kartalari orqali toʻlovlarni osongina amalga oshirish mumkin. Mingdan ortiq bankomatlar ishlayapti. Ularning soni yana oshiriladi. Yetti oy mobaynida tizimda 2,5 trln soʻm pul mablagʻi aylanmasi amalga oshirildi. HUMO bankomatlari orqali Visa, Mastercard xalqaro kartalaridan naqd pul olish imkoniyati yaratildi.
Kelajakdagi rejalarimizdan biri - plastik kartalardan voz kechishdir. Dekabr oyi oxirida HUMOPay tizimini ishga tushirishni rejalashtirganmiz. Qoʻlingizdagi telefon orqali toʻlovlarni onlayn amalga oshiringiz mumkin boʻladi. Keyingi rejalarimizdan biri plastik karta oʻrniga maxsus stikerlarni naqdsiz toʻlov vositasiga aylantirishdir. Siz bu stikerni doim yoningizda olib yuradigan buyumlarga, masalan, telefon, qoʻl soati, hamyonga yopishtirishingiz mumkin boʻladi. Plastik kartani yoʻqotib qoʻyish xavotiri boʻlmaydi».
Qurbonovning qoʻshimcha qilishicha, bolalar uchun plastik karta orqali toʻlov amalga oshirish bir qancha noqulaylik olib keladi: yoʻqotib qoʻyish, bexosdan sinib qolish holatlari boʻlishi mumkin. Shuni hisobga olib, plastik karta oʻrniga maxsus aqlli soat, bilaguzuklardan toʻlov vositasi sifatida foydalanishni yaqin orada ishga tushirish koʻzda tutilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi