STesting elektron platformasi sentabr-oktabr oylarida tanlab olingan maktablarda tajriba sinovidan o‘tkazildi va endilikda respublikaning barcha maktablarida joriy qilinadi. Bu haqda AOKAda bo‘lib o‘tgan matbuot anjumanida Abdulla Avloniy nomidagi ilmiy-tadqiqot instituti rektori Ayubxon Radjiyev ma’lum qildi.
2022 yilda O‘zbekiston ilk marotaba ishtirok etadigan xalqaro tadqiqotlarga tayyorgarlik ko‘rish maqsadida Xalq ta’limi vazirligi hamda A.Avloniy nomidagi ilmiy-tadqiqot instituti tomonidan STesting loyihasi amalga oshirildi. Loyihaga 2020 yil dekabr oyida start berilgan bo‘lib, 8 oy davom etdi.
Abdulla Avloniy nomidagi ilmiy-tadqiqot instituti rektori Ayubxon Radjiyev butun respublikada yangi elektron platformaning joriy etilishi yuzasidan qilinayotgan ishlar haqida ma’lumot berdi.
“STesting elektron platformasi bu – xalqaro baholash dasturlari (PISA, TIMSS, PIRLS) doirasidagi topshiriqlar bilan ishlash ko‘nikmasini shakllantirishga qaratilgan elektron tizim va video mahsulotlarni o‘z ichiga olgan innovatsion platforma bo‘lib, unda 1000 tadan ortiq testlar joylashtirildi. Mazkur elektron platforma sentabr-oktabr oylarida belgilangan maktablarda tajriba sinovidan o‘tkazildi. Eng muhim jihatlaridan biri ushbu test trenajyor platformadan foydalanish mutlaqo bepul. O‘qituvchi va o‘quvchilar ta’lim jarayonida fanlararo integratsiyani ta’minlashda elektron platforma materiallarini bepul yuklab olishlari mumkin”, — dedi Ayubxon Radjiyev.
Mazkur platforma orqali o‘qituvchi va o‘quvchilar xalqaro baholash dasturlarining topshiriqlarini o‘zida mujassam etgan elektron test tizimida o‘z bilimlarini sinashi, shuningdek, ota-onalarga mo‘ljallangan video mahsulotlar bilan tanishishi orqali xalqaro tadqiqotlarga tayyorgarlik ko‘rishlari mumkin.
“Kelasi haftadan ushbu platformani respublikadagi barcha maktablarga taqdim etamiz. Platformadagi savollar oldingi xalqaro tadqiqotlarda foydalanilgan savollar bo‘lib, bizning maktab o‘quvchilarida ko‘nikma paydo qilish uchun ulardan foydalanishni lozim topdik.
Platformani yurtimizning barcha viloyatlari va chekka hududlarda ham joriy etish uchun 3 xil yondashuv asosida ish olib boryapmiz. 14 ta viloyatda 28 nafar xodimimiz o‘zlari borib bevosita treninglar o‘tib berishyapti. Birinchi bosqichning o‘zida 300 mingdan ortiq foydalanuvchilarni qamrab olishni maqsad qilganmiz”, — dedi institut rektori. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
