«Microsoft» endi Rossiya bilan ishlamaydi

«Microsoft» kompaniyasi Ukrainadagi vaziyat tufayli Rossiya uchun mahsulot va xizmatlarini taqdim etishni to‘xtatdi. Bu haqda bugun, 4 mart kuni kompaniya rasmiy saytida xabar berildi.

«Bugun biz Rossiyada «Microsoft»ning barcha yangi xizmatlari va mahsulotlari sotilishi to‘xtatilganini e’lon qilamiz», — deyiladi xabarda.

Kompaniya Rossiyaga qarshi sanksiyalarni bajarishga kirishgan, bu yo‘nalishda AQSH, Yevropa Ittifoqi va Buyuk Britaniya bilan yaqin hamkorlik qilyapti.