Hozir ham hammaning uyida Yangi yil bayramidan qolgan bir tonna ovqat borligi aniq. Ularni yeb tugatguncha, oshqozon va ichaklar ham dodlab yuboradi. Chunki uch kunlab kaloriyaga boy, turgan-bitgani uglevod va yog‘lardan iborat bo‘lgan taomlardan odam nafaqat semirib ketishi, balki ichaklar ham zaharlanishi mumkin. Xuddi shu fursatda bizga ekspert-diyetologlarning maslahati asqotishi aniq.
Ovqatlaringiz tugab bo‘lgach, bir nechta oddiy uslublardan foydalanib, ichaklaringizni tozalab olishingiz mumkin. Yengil ovqatlanadigan kunlar va detoks-parhezlar bu borada sizga yordam berishi aniq.
Yengil ovqatlanadigan kunlarda kun bo‘yi shu ikki mahsulotlarni yeb yurasiz:
— qatiq+olma;
— grechkali bo‘tqa+qatiq;
— ko‘k choy+sitrus mevalar;
— suli+mevalar;
— xom sabzavotlar+zaytun yog‘i;
— smuzi+yogurt.
Siz yuqoridagi mahsulotlardan birini tanlab, kun bo‘yi iste’mol qiling va har 1-2 soatda 1 stakan suv ichishni kanda qilmang. Ichaklarni tozalashni tezlashtirmoqchi bo‘lsangiz, ratsioningizga shipovnik qaynatmasini qo‘shishingiz mumkin. Uning peshob haydash xususiyati organizmning o‘z-o‘zini tiklash xususiyatini tezlashtiradi.
Ekspertlarning fikricha, detoks-ichimliklar yordamida ham xuddi shunday natijaga erishish mumkin ekan. Bunda 1-3 kun faqat suv va meva-sabzavotlarning sharbatini ichib yurasiz.
Manba: Hordiq.uz
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
