Бугун Тошкент метрополитенининг вагон паркига учта янги замонавий поезд етиб келди. Ушбу поездлар йўловчиларнинг қулайлиги ва хавфсизлигини оширишга хизмат қилувчи илғор технологиялар билан жиҳозланган.
Белгиланган тартибга мувофиқ, поездлар 7–10 кун давомида техник синовлардан ўтказилади. Синовлар муваффақиятли якунлангач, улар йўловчиларга хизмат кўрсатиш учун йўналишларга чиқарилади. Бу эса шаҳар транспорт алоқасининг сифатини оширишга ёрдам беради.
Жорий йил февраль ойида яна шундай учта таркибнинг келиши кутилмоқда. Шу тариқа, метро вагонларини босқичма-босқич янгилаш ишлари давом этмоқда. Янги поездларнинг жорий этилиши ҳаракатлар оралиғини қисқартириш ва йўловчиларга янада қулай шароит яратиш имконини беради.
Метро вагонларининг янгиланиши пойтахт транспорт тизимини ривожлантириш йўлидаги муҳим қадам бўлиб, Тошкент аҳолиси ва меҳмонлари учун ҳаракатланиш шароитларини яхшилашга қаратилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
