Таъмирлаш ишлари сабабли Юнусобод ва Чилонзорда чироқ ўчади

7 февраль куни Тошкентнинг Юнусобод ва Чилонзор туманларида вақтинчалик электр таъминоти узилиши режалаштирилган. Бу ҳақда "Тошкент шаҳар электр тармоқлари" маълум қилди.

Чекловлар электр энергиясининг барқарор ва сифатли етказиб берилишини таъминлаш, аварияларнинг олдини олиш ҳамда электр қурилмаларда таъмирлаш ишларини амалга ошириш мақсадида жорий этилмоқда.

Электр ўчириладиган ҳудудлар ва вақтлар:
- Юнусобод тумани: "Обод", "Отчопар-1" ва "Отчопар-2" маҳаллаларининг айрим ҳудудлари – 00:00 дан 06:00 гача
- Чилонзор тумани: "Катта Чилонзор-2" маҳалласида – 10:00 дан 16:00 гача

Таъмирлаш ишлари режалаштирилган вақтдан аввалроқ якунланиши ва электр таъминоти муддатидан олдин тикланиши мумкин.