Ўзбекистон ҳукумати иш ҳақи тўлаш тизимини тартибга солиш ва меҳнат муносабатларини соддалаштириш бўйича янги чоралар қабул қилди. Ушбу қарорлар президент Шавкат Мирзиёев раислигида ўтказилган йиғилишда эълон қилинди.
Янги қоидалар асосан қурилиш, савдо ва умумий овқатланиш соҳаларида фаолият юритувчи корхоналарга тегишли бўлиб, уларнинг иш ҳақи тўловлари устидан назоратни кучайтириш ва "конверт маош" амалиётига қарши курашни мақсад қилган.
Асосий ўзгаришлар:
🔹 Қисқа муддатли ва соддалаштирилган меҳнат шартномалари жорий этилади – бу мавсумий ва вақтинчалик ишчиларни расмийлаштиришни осонлаштиради.
🔹 Ижтимоий солиқ бўйича имтиёзлар 2028-йилгача узайтирилди, бироқ эндиликда фақат 30 ёшгача бўлган ходимларга ва иш ҳақи 3 млн сўмдан юқори бўлса амал қилади.
Имтиёзли солиқ ставкаси қуйидаги соҳаларга татбиқ этилади:
* Чакана савдо ва умумий овқатланиш
* Меҳмонхона бизнеси
* Йўловчи ва юк ташиш хизматлари
* Транспорт воситаларини таъмирлаш ва техник хизмат кўрсатиш
* Компьютер хизматлари ва маиший техника таъмири
* Қишлоқ хўжалиги ва ветеринария хизматлари
* Кўнгилочар марказлар хизматлари
Ушбу ўзгаришлар норасмий бандликни камайтириш, ёшларнинг иш билан таъминланишини ошириш ва хизмат кўрсатиш соҳасини ривожлантириш мақсадида амалга оширилмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
