Ўзбекистон қуритилган ўрик экспортидан 17,4 миллион доллар даромад олди

Ўзбекистон 2024-йил январь-декабрь ойларида хорижга 11,2 минг тонна қуритилган ўрик экспорт қилди, унинг умумий қиймати 17,4 миллион АҚШ долларига тенг бўлди. Бу ҳақда Давлат статистика қўмитаси хабар берди.

Энг кўп қуритилган ўрик экспорт қилинган давлатлар:
Хитой – 3 321 тонна
Россия – 1 388 тонна
Украина – 1 107 тонна
Туркия – 1 063 тонна
Қозоғистон – 946 тонна
Беларус – 811 тонна
Озарбайжон – 571 тонна
Бошқа давлатлар – 2 051 тонна

Хитой Ўзбекистоннинг қуритилган ўрик экспортида етакчи харидор бўлиб қолмоқда. Мутахассисларнинг фикрига кўра, экспорт ҳажмини ошириш ва янги бозорларни ўзлаштириш ушбу маҳсулотни хорижда янада оммалаштиришга ёрдам беради.