Ўзбекистонликлар 8 март муносабати билан кўпроқ дам олишади

Ўзбекистон фуқаролари учун март ойида қўшимча дам олиш кунлари бўлади.

Меҳнат вазирлиги байрамлар тақвимига кўра, 2025 йилда Ўзбекистонда 8 март байрами муносабати билан уч кун кетма-кет дам олиш кунлари эълон қилинади.

Тақвим ва Меҳнат кодексига мувофиқ, агар дам олиш куни ишга чиқилмайдиган байрам кунига тўғри келса, ушбу дам олиш куни байрамдан кейинги иш кунига кўчирилади.

Шундай қилиб, Ўзбекистонликлар қуйидаги кунларда дам олишади:
8 март – шанба, байрам куни, дам олиш куни;
9 март – якшанба, дам олиш куни;
10 март – душанба, қўшимча дам олиш куни.