Бу ғоя Испания ҳамкорларидан таклиф этилди. Ўзбекистон ва Испания яшил транспорт ва автомобилсозлик соҳасида ҳамкорлик қилади, деб «Дунё» хабар берди.
Маълумотларга кўра, Ўзбекистон элчиси Фаррух Турсунов ва испан компанияси UNVI бош директори Элой Перес ушбу масалани муҳокама қилдилар.
Томонлар аввал фойдаланилган Mercedes Conecto автобусларини электробусларга айлантириш лойиҳасига алоҳида эътибор қаратдилар. Шунингдек, лойиҳа доирасида мутахассисларни ўқитиш ва илғор технологияларни Ўзбекистонга олиб кириш режалаштирилган.
Компания раҳбари Ўзбекистонда шаҳар, шаҳарлараро ва туристик автобуслар ҳамда микроавтобуслар ишлаб чиқаришни йўлга қўйиш бўйича ҳамкорлик қилишга қизиқиш билдирди. У учрашув якунида СамАвто заводи базасида ҳамкорлик лойиҳасини ишлаб чиқишни таклиф қилди.
Бундан аввал, Тошкент автобусларида аёл ҳайдовчилар сони кўпайтирилиши ҳақида хабар берилган эди. 2025 йилда Тошшахартрансхизмат компанияси 500 нафар янги аёл ҳайдовчини ўқитишни режалаштирмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
