Олий Мажлис Сенати донорлик ҳаракатини қўллаб-қувватлаш тизимини такомиллаштиришга қаратилган қонунни қабул қилди, деб хабар бермоқда парламент матбуот хизмати.
Янги қонунда “Фахрий донор” кўкрак нишони билан тақдирланган фуқаролар бир марталик пул мукофоти олиши белгиланди. Энди ушбу мукофот миқдори 15 БҲМ (5,6 миллион сўм) этиб белгиланди. Аввал бу миқдор 5 БҲМ (1,8 миллион сўм) эди.
Фахрий донорлар ўзлари учун қулай вақтда йиллик меҳнат таътилига чиқишлари, шаҳар йўловчи транспортидан (маршрутка ва линия таксиларида ташқари) бепул фойдаланишлари ва санаторий-курорт йўлланмаларини навбатсиз олишлари мумкин.
Шунингдек, маҳаллий ҳокимият органлари аҳолида бепул донорлик маданиятини шакллантириш, донорлик ҳаракатини кенг жамоатчилик иштирокида ривожлантириш ва донорлар учун қулай шароитлар яратиш бўйича чора-тадбирларни амалга оширади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
